Un helicóptero cae nun edificio en Florida e provoca dous mortos

Dúas persoas morreron e outras catro persoas tiveron que ser hospitalizadas ao estrelarse sobre un edificio un helicóptero. Este pertencía a unha brigada antiincendios do condado Broward (sueste de Florida) polo que entre os falecidos figura o capitán do helicóptero e unha persoa que se atopaba dentro da súa vivenda no momento do accidente.

No helicóptero viaxaban tres ocupantes, mentres que dous civís estaban no edificio sobre o que caeu a aeronave, quen foron hospitalizados. Os outros dous ocupantes do helicóptero tamén foron ingresados e os catro áchanse en condición estable.

O helicóptero caeu sobre un edificio residencial dunha soa planta en Pompano Beach sobre as 8:45 horas (12:45 GMT). A aeronave viuse envolta no aire por fumes e lapas e logo empezou a virar sen control, caendo no tellado do edificio afectado.