Un incendio calcina unha vivenda en Ortigueira e causa a morte de cinco cabras

Un incendio que arrasou por completo unha vivenda situada na localidade coruñesa de Ortigueira causou o falecemento de cinco cabras que estaban no seu interior e que morreron por causa da intensidade que alcanzou o lume que fixo colapsar o tellado.

Foron os membros do GES de Ortigueira, coa colaboración dos efectivos do parque comarcal de bombeiros do Eume, os que se encargaron da extinción, que comezou sobre as 19:00 horas e non finalizou ata pasadas as 23:00 horas.

Con todo, as dificultades de acceso para os grandes camións obrigaron aos axentes da Garda Civil a trasladar a un membro do equipo de bombeiros para comprobar, a través da cámara térmica, os puntos de maior calor, así como o estado das estruturas.

O propietario da vivenda, situada en San Salvador de Couzadoiro, manifestou as súas sospeitas sobre unha orixe intencionada do lume, motivo polo que actuou a Benemérita.