Un motorista queda ferido tras bater contra un coche en Teo

Ferido grave un motorista tras bater cun coche no concello coruñés de Teo. Trátase dun varón de 25 anos que tivo que ser evacuado en ambulancia ao hospital.

O sinistro tivo lugar pasadas as 8:30 da mañá na estrada Nacional 550, á altura da rotonda das Galanas. Varios particulares alertaron os servizos de emerxencias. Ata o lugar desprazouse a Garda Civil, a Policía Local, así como membros do GES da Estrada e de Protección Civil.