A policía busca un mozo que lles prendeu lume a tres homes nunha rúa de Vallecas

A Policía Nacional segue a buscar en Madrid un mozo que atacou tres homes de mediana idade cun líquido inflamable, prendeulles lume e fuxiu.

Sucedeu a noite do sábado nunha rúa do distrito de Vallecas. Os feridos teñen entre 45 e 50 anos e son veciños do barrio. O que quedou en estado máis grave ten queimaduras de segundo grao no vinte por cento do corpo.

Os outros dous, feridos leves, teñen queimaduras nun brazo e nun ollo. As primeiras pescudas indican que o suceso podería ter relación con desavinzas previas entre o agresor e as súas vítimas.