Un paseo pola nostalxia no Día Mundial da Televisión

Foi en 1996 cando Nacións Unidas decidiu marcar cada 21 de novembro para promover un consumo responsable de televisión e promocionar os programas de calidade, para celebrar que este medio se converteu en símbolo de conexión e globalización no século XXI. 

Con ocasión deste novo Día Mundial da Televisión, a Unión de Televisións Comerciais en Aberto (UTECA) publicou uns datos que aseguran que en España a cidadanía ve a televisión en aberto 181 minutos ao día. Tamén sinalan que oito de cada dez enquisados cren que a televisión cumpre unha función de cohesión social. 

Son moitos os cambios que vivimos nas últimas décadas a través da antes chamada pequena pantalla, e iso inclúe unha dose de nostalxia e mesmo de sorpresa.