Un raio ocasiona un incendio nas tubaxes dun depósito de gas en Boiro

En Boiro, un raio caeu este domingo preto das tubaxes dun depósito de gas en Boiro e provocou un incendio, segundo informa o 112.

As chamas empezaron ás 08:10 horas nunha nave no polígono de Espiñeira, sen que se rexistrasen danos persoais. Protección Civil informou de que cortaron rapidamente o acceso de gas nas tubaxes e o lume non se chegou a estender ata o depósito, que está próximo, polo que os bombeiros puideron apagar as lapas axiña.