Cargando resultados...
Un sismo de intensidade 2,9 sacode Forcarei
Un sismo de intensidade 2,9 sacode Forcarei
Este martes outro pequeno terremoto produciuse tamén concello pontevedrés da Lama
(Instituto Xeográfico Nacional)
G24.gal
06/11/2024 11:16
O Instituto Xeográfico Nacional español rexistrou nas últimas horas un movemento sísmico de intensidade leve con epicentro en Forcarei.
O terremoto tivo lugar este mércores sobre as 7:56 horas, con epicentro a uns 4 quilómetros de profundidade, no municipio de Forcarei, e cunha intensidade de 2,9. O movemento sentiuse en localidades como A Estrada, Moraña, Silleda, Cuntis ou Pontevedra.
Ademais, nas últimas horas rexistrouse outro terremoto na provincia de Pontevedra. Nese caso foi un tremor con epicentro a 15 quilómetros de profundidade, no termo municipal da Lama, rexistrado este martes ás 15:25 horas. Este terremoto tivo unha magnitude de 2,4.
