Luzada, un "glamping" de burbullas en Xove con vistas ás estrelas e ao mar

Estamos en Xove, nun glamping de burbullas que abriu hai oito meses.

Manuel e Gimena vivían e traballaban en Madrid, pero a pandemia fixo que lle deran unha volta á súa vida e regresaron a Galicia para emprender un negocio que consiste en ofrecer unha experiencia.

En total teñen tres aloxamentos burbulla, pero a resposta do público está sendo tan boa, que xa pensan en ampliar o negocio. Parece sinxelo pero non o é tanto, xa que o mantemento deste tipo de aloxamentos é moi delicado.

En Galicia hai outras dúas ofertas hostaleiras con burbullas. O prezo dunha noite en temporada baixa anda polos 250 euros.