Un torneo de bridge reúne en Lugo 200 xogadores

Duascentas persoas participan esta fin de semana no Torneo Nacional de Bridge de Lugo 2025, un campionato que dá fe da boa saúde da que goza este xogo de naipes en Galicia, onde hai preto de 500 asociados.

Destacan o seu poder socializador, a axilidade mental que promove e, tamén, que é apto para todas as idades. Este xogo de parellas é ideal para compartir, en familia ou con amigos, segundo destacan os que o practican, que tamén se queixan da falta de remuda xeracional que padece, malia que dá para vivir del profesionalmente.