Un tremor sacudiu o centro de Italia sen que se rexistraran danos graves
Un tremor sacudiu o centro de Italia sen que se rexistraran danos graves
Os únicos problemas rexístranse na rede ferroviaria: hai dúas liñas que se suspenderon e o tren de alta velocidade mudou de traxecto
![](https://img-g24-crtvg.flumotion.com/prog24/2023/20230918/20230918TremorItalia.png)
Un terremoto de magnitude 4,9 sacudiu este luns o centro de Italia, con epicentro na zona de Marradi, na provincia de Florencia, na rexión Toscana, e sentiuse en tamén as rexións de Emilia Romaña e As Marcas provocando moito medo entre a poboación que saíu á rúa, pero sen que polo momento se rexistraran feridos ou graves danos.
O evento sísmico ocorreu de madrugada e sentiuse fortemente en Florencia e en toda a Toscana, e houbo outros terremotos con menor intensidade.
#Terremoto, giunte ai #vigilidelfuoco di #Forlì decine di richieste per verifiche statiche: squadre a Tredozio, Modigliana (evacuata RSA per precauzione) e Rocca S. Casciano (crepe e caduta intonaci in case). Nessuna segnalazione di persone coinvolte [#18settembre 8:00] pic.twitter.com/PLPJrsSx4p
— Vigili del Fuoco (@vigilidelfuoco) September 18, 2023
Protección Civil de Florencia non recibiu informes ata o momento de danos a bens e persoas, pero o alcalde de Marradi (Florencia), Tommaso Triberti, e outros rexedores das poboacións próximas ao epicentro como Borgo San Lorenzo, Firenzuola ou Palazzuolo Moschetti decidiron pechar as escolas por precaución.
Polo momento, os únicos problemas rexístranse na rede ferroviaria para realizar controis nas vías, polo que a liña rexional Pontassieve-Borgo San Lorenzo e a que une Florencia e Faenza foron interrompidas, mentres que o tren de alta velocidade foi desviado por outro percorrido.
A zona afectada polo terremoto de Marradi "caracterízase por un alto perigo sísmico".