Un turismo sen condutor arrasa tres terrazas en Portomarín

Unha avaría mecánica podería ser a causa dun accidente en Portomarín protagonizado por un vehículo sen condutor. O coche foise contra tres terrazas de establecementos de hostalería, pero non causou máis que danos materiais.

Atropelou varios parasoles, mesas e cadeiras e parou contra unha xardineira situada ao pé da rúa. Ocorreu en pleno núcleo urbano de Portomarín, na rúa Compostela, pasadas as dúas da tarde.

Unha persoa tivo que ser atendida no lugar por sufrir unha crise de ansiedade.