Un veciño de Petín conta coa maior colección de cervexas de Galicia

Ligado ao mundo da hostalería dende moi novo, Francisco Javier López comezou a coleccionar cervexas hai xa medio século, cando se dedicaba a distribución.

Grazas ás achegas de veciños, familiares ou coñecidos e tamén ao troco con outros coleccionistas de distintos puntos do mundo conseguiu reunir máis de 12.500 exemplares de preto dun cento de países.

Cervexas de diferente procedencia, con sabores sorprendentes, edicións únicas, cada unha coa propia historia que este veciño de Petín conta a quen se anime a visitar o museo que creou para expor a colección.

É a máis grande de Galicia e a terceira, di, máis importante de España.