Impulsan en Cambados unha fronte común en defensa das depuradoras no litoral
Impulsan en Cambados unha fronte común en defensa das depuradoras no litoral
Desde o sector denuncian que o documento de Costas pon en risco arredor de 4.000 instalacións do litoral galego
Unha das empresas afectadas comezou a súa actividade no porto cambadés no 1955. O último informe da Dirección Xeral de Costas recomenda non renovar a concesión, que no caso desta depuradora de marisco remata a finais deste ano.
Non é o único caso, outras dúas depuradoras de Tragove están incluídas no documento de Costas que ameaza a súa continuidade. O sector advirte de que a situación é grave porque afecta a todas as instalacións do litoral galego.
As confrarías temen un efecto dominó, xa que as comercializadoras de marisco son imprescindibles para poder continuar coa súa actividade.
Desde a Consellería do Mar acusan ao Ministerio dun ataque á cadea mar industria que non pode desenvolver a actividade lonxe do mar.
Unidos o sector, os grupos políticos de Cambados e os sindicatos anuncian mobilizacións para os próximos días.
