Unha militar atropela un sindicalista durante un piquete en Navantia-Ferrol

Participaba nun piquete informativo ás portas de Navantia cando foi atropelado por unha militar. Sucedeulle a un representante do comité de empresa do estaleiro de Ferrol.

Segundo fontes sindicais, o home estaba preguntándolles aos condutores dos coches que intentaban acceder ás instalacións a que empresa pertencían.

Varias testemuñas presenciais aseguraron que se achegou ao vehículo da muller e que entón ela acelerou levando o sindicalista por diante. A vítima do atropelo caeu ao chan, pero saíu ileso.