Unha tormenta asolaga o centro de Verín

A provincia de Ourense está sendo especialmente castigada polas treboadas. Tras as intensas precipitacións do luns, que deixaron rexistros históricos, onte á tarde volveu caer auga con forza.

Entre as 7 e media e  8 e media da tarde a estación meteorolóxica de Verín recolleu preto de 42 litros por metro cadrado, case o triplo do inicialmente prognosticado. 

A auga chegou ao medio metro de altura nalgunhas zonas, anegando rúas, baixos comerciais e garaxes. Os bombeiros realizaron unha ducia de intervencións.

Numerosas estradas do concello quedaron completamente intransitables e noutras a circulación complicábase por momentos debido ás pozas de auga.