Unha trintena de feridos tras un accidente entre unha locomotora de mercadorías e un tren rexional en Vila-seca
Unha trintena de feridos tras un accidente entre unha locomotora de mercadorías e un tren rexional en Vila-seca
Unha trintena de feridos tras un accidente entre unha locomotora de mercadorías e un tren rexional en Vila-seca
Entre as causas, apuntan a un posible fallo nos freos, pero aínda están investigando todas as hipóteses
Os trens xa volven circular con normalidade entre Tarragona e Reus, tras o accidente de Vila-seca. Chocaron un tren rexional e unha locomotora de mercadorías e quedou unha trintena de feridos, cinco deles graves.
Segundo explicou o ADIF, a locomotora saltou un semáforo que estaba en indicación de parada e arremeteu contra o tren en que viaxaban 75 persoas. Entre as causas apuntan a un posible fallo nos freos, pero aínda están investigando todas as hipóteses. Hai uns trinta feridos, seis deles de gravidade.
O accidente ocorreu minutos antes das dez da noite pasada cando o tren de proximidades abandonaba a estación tarraconense de Vila-seca. Nese momento unha locomotora que circulaba pola mesma vía en dirección contraria bateu co convoi.
A pesar do choque, nin a máquina nin o convoi accidentados descarrilaron, polo que á media mañá os trens volvían circular por este treito pola vía que non resultou afectada.
"Deberían habilitar autobuses desde a noite porque sei que moita xente quedou tirada na estación de Tarragona".
"Iso si, chego ao meu destino, pero non chego á cita médica. Pero chego"
Este é o segundo accidente ferroviario ocorrido en Cataluña en menos dun mes.
O 16 de maio en Sant Boi de Llobregat un convoi de mercadorías descarrilou e bateu contra un tren de pasaxeiros, causando a morte dun dos maquinistas e máis de 80 persoas feridas.
