Podemos anuncia unha lei para penalizar as empresas que desaloxan vivendan ocupadas

A modificación que pretende Unidas Podemos propón perseguir as empresas que acosen, discriminen ou intimiden persoas en situación de vulnerabilidade. Permitiría a disolución dese tipo de empresas e imporía penas de ata catro anos de prisión para os seus membros.

Ione Belarra, secretaria xeral de Podemos, definía unha desas empresas, Desokupa, como un comando parapolicial e aseguraba que "son un problema democrático grave".

Os responsables da empresa á que se refire Ione Belarra aseguran que a proposta de Unidas Podemos é por interese electoral.

O PSOE desmárcase da proposta de Unidas Podemos. María Jesús Montero asegura que a lei de vivenda xa contén medidas relativas a este asunto. E dende o Partido Popular, Borja Sémper fala de desproposito dun Goberno que favorece os que ocupan as vivendas.