Valdeorras prescribe exercicio físico mediante as receitas deportivas
Valdeorras prescribe exercicio físico mediante as receitas deportivas
Trátase dun documento para que o persoal sanitario receite exercicios personalizados nos centros deportivos municipais
Fano para combater o sedentarismo, un dos hábitos máis prexudiciais da sociedade actual
A receita deportiva é un documento en que se anota a prescrición sanitaria en canto a hábitos de vida saudables. A receita varía de nenos a adultos e adáptase ás circunstancias concretas de cada paciente.
Gema Rodríguez, enfermeira do centro de saúde do Barco: "Un paciente que está con dor de xeonllo, non pode facer exercicio de impacto, pero é preciso que se manteña activo. Podémoslle recomendar natación".
Sae da coordinación entre o Concello do Barco e o Sergas. Nela figuran todas as ofertas deportivas da zona, desde a piscina climatizada ás escolas deportivas municipais, os camiños escolares ou a ruta do malecón, a carón do río Sil.
Kissy Torres, técnica de Deportes do Concello do Barco: "Unha distancia dun quilómetro e medio, moi sinxelo, fácil de facer".
Tamén colaboran os colectivos de atención ao paciente, como a Asociación Española contra o Cancro.
Sedentarismo
Segundo os datos do Ministerio de Sanidade, de catro a cinco millóns de mortes ao ano, a nivel mundial, están relacionadas co sedentarismo da sociedade actual.
