Veciños de Santiago tiran do humor como protesta polos pivotes da rúa dos Concheiros
Veciños de Santiago tiran do humor como protesta polos pivotes da rúa dos Concheiros
Colocaron unha placa funeraria na honra dun pivote arrancado do seu sitio e un cartel para buscalo
No barrio compostelán de San Pedro hai un pivote que xa é todo un símbolo. O pivote sufriu as arremetidas de varios vehículos, e acabou no chan. A veciñanza tira de retranca para deixar en evidencia as dificultades que sofren os condutores e os peóns que circulan a diario por esa zona. Sóbralles humor, tanto que mesmo lle fixeron ao pivote unha placa funeraria na súa honra.
Din que con humor todo se leva moito mellor. E isto mesmo foi o que pensaron veciños do barrio de San Pedro para atopar un dos pivotes máis valorados da rúa Concheiros. Tiran da retranca para mostrar os infinitos golpes que sofre o pobre pivote por parte dos coches e que din que aguanta con moita bravura.
