Os veciños de tres lugares de Foz están fartos de vivir incomunicados

Hai tres lugares no concello lugués de Foz nos que é practicamente imposible comunicarse, xa que non teñen cobertura de móbil e os satélites que puxeron para os teléfonos fixos tampouco van ben, segundo nos contaron. Isto impídelles estar tranquilos, xa que, por exemplo, non poden recibir chamadas dos médicos, de familiares ou dos traballos.

Temen, ademais, ter unha urxencia e non poder pedir axuda, xa que hai varios veciños maiores e outros que viven sós.

Quéixanse, ademais, de que non poden ver a televisión axeitadamente sen un aparello.