Venezuela decide este domingo se mantén o chavismo no poder
Venezuela decide este domingo se mantén o chavismo no poder
As enquisas din que a plataforma opositora lle gañará a Nicolás Maduro
Os parlamentarios do PP expulsados de Venezuela chegan a Madrid
Máis de vinte e un millóns de venezolanos poderán votar este domingo nunhas eleccións consideradas cruciais para o futuro do país. O chavismo, no poder desde finais dos anos noventa, e o seu candidato, o presidente Nicolás Maduro, están seguros da súa vitoria.
"Este domingo decídese o futuro de Venezuela para os próximos cincuenta anos, paz ou guerra", afirmaba en Caracas o presidente Maduro.
A oposición ao chavismo, encabezada polo empresario e exdiplomático de 74 anos Edmundo González, e liderada pola inhabilitada líder da dereita, María Corina Machado, tamén están convencidos de que gañarán as presidenciais deste domingo.
"É a hora do reencontro, e coa palabra de Deus verémonos o próximo domingo e celebraremos o triunfo de Venezuela", sinalaba o candidato opositor Edmundo González
Entrega pacífica do poder
Nun país dividido desde hai anos entre chavistas e antichavistas, a oposición confía en que, se perde, Nicolás Maduro entregue pacificamente o poder.
A maior parte das enquisas danlle a vitoria ao candidato opositor, con máis de 25 puntos de vantaxe sobre o presidente Nicolás Maduro.
