Vigo con máis de 11.000 casos, á cabeza de Galicia en infeccións por covid
Vigo con máis de 11.000 casos, á cabeza de Galicia en infeccións por covid
Son case 1.200 os contaxios na última xornada
Dous equipos realizan as PCR no punto móbil do Náutico de Vigo cunha presenza moi escasa de persoas este sábado.
A imaxe dista moito destoutra gravada hai quince días, cando aínda se podía vir sen cita, e Vigo apenas roldaba os 5.000 casos. Duplicáronse en medio mes, hoxe son xa 11.377 as persoas afectadas na área sanitaria de Vigo, nas últimas xornadas os casos soben unha media dun milleiro de afectados ao día nun tempo de festa, grandes eventos e maior interacción social, aínda colean tamén os detectados nos centros escolares.
Os test de antíxenos preventivos que se están a realizar nas casas tamén fan aflorar novos posibles casos.
Con todo o impacto na hospitalización na área sanitaria de Vigo está sendo moderado hai 14 persoas nas UCI dos hospitais vigueses, as mesmas có pasado mércores, e setenta e catro hospitalizados só tres máis que hai catro días.
