Vitrasa proba en Vigo un bus 100 % eléctrico

O novo modelo de autobús eléctrico en probas pódese ver polas rúas de Vigo ata o xoves, aínda que a normativa non permite os pasaxeiros polo de agora.

Xustamente a comodidade da pasaxe, a mobilidade sostible e a innovación impulsaron a compañía Vitrasa e o Concello a teren en conta este novo vehículo de fabricación española cen por cento accesible polos dous laterais, illamento acústico e térmico e, sobre todo, respectuoso co medio, sen emisións contaminantes.

Este vehículo foi elixido Bus Ecolóxico do ano 2022 en España.