Voos cancelados e con atrasos no aeroporto de Mánchester por un corte eléctrico

Un número "significativo" de voos foron anulados ou atrasados este domingo no aeroporto de Mánchester por mor dun corte eléctrico.

O aeroporto, con numerosos voos a destinos turísticos como España, indicou nun comunicado que os pasaxeiros que debían saír das terminais 1 e 2 deben contactar coas súas aeroliñas para comprobar o estado dos seus voos, porque "probablemente moitos serían cancelados".

Nas pasadas horas, algúns pasaxeiros difundiron nas redes sociais imaxes de centos de persoas agardando nas terminais ou na zona de equipaxes na escuridade.

A interrupción prodúcese ao comezo da tempada de vacacións de verán no terceiro aeroporto máis transitado do Reino Unido e o principal do norte de Inglaterra.