Xa se poden adquirir billetes para as Cíes ata inicios de agosto

A imaxe de hoxe nos peiraos de Vigo é case de verán. O bo tempo anima as viaxes a Cíes e o barcos van case cheos. Un congreso de enxeñeiros, algún cruceirista e outros turistas de primavera visitaron este venres o arquipélago vigués. Xa hai viaxes diarias e ata o 15 son as propias navieiras as que tramitan o permiso na web do parque.

Os billetes pódense adquirir con 90 días de adianto e en moitos casos é necesario porque os días clave do verán adoitan esgotarse.