Xoán Carlos I culmina a súa fin de semana de regatas en Sanxenxo
Xoán Carlos I culmina a súa fin de semana de regatas en Sanxenxo
Participou na derradeira xornada da proba do circuíto da liga española de seis metros
Pouco antes das once e media da mañá, unha hora antes da proba, o rei emérito apareceu no porto deportivo de Sanxenxo para participar na derradeira xornada do circuíto da liga española de seis metros.
Acompañado por Pedro Campos chegou ao peirao, onde o agardaba o alcalde do concello, Telmo Martín. Unha vez no embarcadoiro, charlou animadamente coa tripulación do Bribón antes de comezar a competición. O sábado non puido navegar por mor da chuvia.
O Bribón partiu cara ao campo de regatas con Xoán Carlos abordo pero sen Pedro Campos. Xusto ao chegar o espigón, saudou á prensa que sigue a súa visita e algúns curiosos que paseaban este domingo polas instalacións do náutico deportivo.
O pai de Filipe VI podería regresar a Sanxenxo dentro dun mes, xa que o 20 e o 21 de abril se celebra a seguinte proba deste VI circuíto da liga española de seis metros que será puntuable para o campionato de Europa.
Dende que se mudou a Abu Dhabi, é a súa sexta viaxe a Galicia e a oitava a España. Ao igual que nas veces anteriores, o ambiente foi tranquilo, recibiu a visita da infanta Helena e saíu cear a un restaurante en Cambados.
Segundo fontes próximas ao emérito, ten previsto participar en todas as regatas deste ano en Sanxenxo, que teñen o seu punto álxido en setembro.
