Yelko dirixe con mestría a vitoria do Pontevedra no campo do Vao (0-2)

O Pontevedra gañou por 0-2 no campo do Coruxo cunha grande actuación do centrocampista vigués Yelko Pino. Marcou o primeiro gol no minuto dez e asistiu a Ángel Bastos no segundo xa no reinicio. 

O Coruxo non acaba de atoparlle o xeito á categoría nesta temporada. Viuse superado por un Pontevedra que marcou moi cedo e logo estivo moi sólido en defensa. Pouco sufriu o equipo de Yago Iglesias, que xerou as mellores opcións ao longo do partido. 

No 60 a chegada de Bastos pola dereita permitiulle ao Pontevedra lograr un segundo gol e a partir dese intre non aconteceu nada.