Zierbena gaña na Coruña, Samertolameu foi o 9.º e Cabo o 10.º

E logo da suspensión no día de onte, hoxe si que comezou a Liga ACT. As traiñeiras competiron pola Bandeira Cidade da Coruña.

O primeiro vencedor da temporada foi Zierbena. Nun campo de regatas tan espectacular como sempre, cun vento que condicionou a proba, Zierbena obtivo un triunfo claro, cunha cómoda vantaxe respecto ao segundo clasificado, que foi Hondarribia. Polo que se refire ás embarcacións galegas, Samertolameu acabou no noveno posto e Cabo de Cruz, coas peores condicións de vento, no décimo.