Claudio Giráldez: "O obxectivo é selar a permanencia"

Claudio Giráldez compareceu na conferencia previa ao partido deste sábado fronte ao Real Valladolid no José Zorilla. O adestrador do Celta amosou as partes positivas para o Celta do vindeiro parón de seleccións: "Permítenos cargar as pilas e gañar tempo de recuperación para Williot e Hugo". Ademais, destacou a importancia de non baixar a garda fronte ao conxunto local, a pesar de ser o colista: "É moi caro gañar cada partido, temos a mostra do noso último partido na casa contra o Leganés".

Por outra banda, o técnico celeste séguelle dando luces longas á posibilidade de achegarse a postos europeos: "Polo momento, temos que pensar de abaixo cara arriba". Neste sentido, deixou claro que "o obxectivo é selar a permanencia".