A ocupación hoteleira en Galicia acadou o 70 % na ponte de decembro
A ocupación hoteleira en Galicia acadou o 70 % na ponte de decembro
Vigo e Santiago foron os destinos máis demandados
O turismo rural chegou a un 50 % da súa ocupación
O mal tempo non arredou as persoas que se achegaron a Galicia nesta ponte festiva. De media, os establecementos hoteleiros acadaron unha ocupación do 70 %, dez puntos porcentuais por riba do inicialmente agardado, segundo datos do Clúster Turismo de Galicia.
Destacan dous casos concretos, o de Santiago, que se achegan ao 80 % e o xa coñecido caso de Vigo, que acada un 90 % de ocupación hoteleira e que suma ao imán das luces do Nadal a xornada festiva en Portugal.
O turismo rural, outro dos grandes atractivos de Galicia, superou o 50 % de ocupación nesta ponte e na costa, as vilas que máis visitantes acollen no verán tamén viron reflectido o aumento de reservas.
