Morren dous mozos tras chocar dous coches en Marín

Dúas persoas, un home e unha muller menores de 30 anos, morreron e unha terceira moza quedou en estado grave a causa dun accidente rexistrado esta noite pouco antes das 21:30 en Marín.

Un dos coches, un Golf, que subía a estrada, perdeu o control e o outro coche, que baixaba, non puido esquivalo. 

Os dous mozos ocupantes dos asentos de atrás do Golf faleceron no accidente. O condutor, un mozo de 20 anos, non quedou ferido e a moza que ía no asento do copiloto encóntrase en estado grave.

Os ocupantes do segundo vehículo están todos en bo estado.