A mostra 'Botamos un baile??' percorre cen anos da nosa tradición de verbena

Acaba de inaugurarse na Cidade da Cultura a exposición titulada Un século de orquestras de verbena en Galicia: 1919-2019, todo un percorrido por un elemento característico da nosa cultura. O sentido da mostra resúmese co seu título curto: Botamos un baile??

É estar nunha biblioteca e pensar en música de verbena. Saltar atrás un século e pasar das bandas ás primeiras orquestras. Arranca a exposición en 1919, ano en que se fundou a Orquesta Compostela.