Evacúan unha familia con síntomas de intoxicación en Malpica de Bergantiños

Dous adultos e dous menores foron evacuados este sábado con síntomas compatibles cunha intoxicación por monóxido de carbono. Ocorreu ás seis da mañá nun domicilio en Malpica de Bergantiños.

Segundo informa o 112, unha das persoas afectadas contactou cun familiar para alertar da situación e solicitar asistencia sanitaria. Os bombeiros de Bergantiños tiveron que forzar a porta da vivenda para poder entrar.

Os catro membros da familia presentaban un cadro médico compatible cunha intoxicación por monóxido de carbono, polo que foron trasladados ao hospital universitario da Coruña e ao maternoinfantil Teresa Herrera.