Oitava noite tensa de protestas contra a amnistía na sede do PSOE en Madrid

Oitava noite tensa de mobilizacións en Madrid contra a lei de amnistía e os pactos do PSOE cos partidos independentistas. A protesta, diante da sede do PSOE en Ferraz, rematou cunha persoa detida e un xornalista ferido. 

Asistentes con pasamontañas lanzaron botellas de vidro, bengalas e botes de fume contra axentes da Policía Nacional e profesionais dos medios. Participaron unhas catro mil persoas, segundo a Delegación do Goberno.