O sector conservador do Poder Xudicial pide unha xuntanza para rexeitar a amnistía
O sector conservador do Poder Xudicial pide unha xuntanza para rexeitar a amnistía
Oito vogais fixeron pública unha proposta de declaración institucional sobre a amnistía, que esperan que apoie o pleno do órgano
Sánchez e Aragonès pechan un acordo sobre a lei de amnistía e encarrilan a investidura
![](https://img-g24-crtvg.flumotion.com/prog24/2022/20221217/reunionCXPX.png)
Oito vogais conservadores do Consello Xeral do Poder Xudicial solicitaron que se celebre un pleno extraordinario para abordar a amnistía, que consideran unha "medida de abolición do Estado de Dereito" que "violenta a Constitución" e converte á Xustiza "nunha quimera".
Este xoves, os vogais Carmen Llombart, José Antonio Ballestero, Francisco Gerardo Martínez-Tristán, Juan Manuel Fernández, Juan Martínez, José María Macías, Nuria Díaz e Ángeles Carmona solicitarán a reunión extraordinaria ao presidente do CXPX, Vicente Guilarte.
Os vogais fixeron pública unha proposta de declaración institucional sobre a amnistía, que esperan que apoie o pleno do órgano. Nesta declaración, cualifican a amnistía como unha "medida de degradación, cando non de abolición do Estado de Dereito en España" que "violenta a Constitución" e que producirá "inevitablemente" consecuencias "en prexuízo do interese xeral de España" e que converterá a independencia dos tribunais e a seguridade xurídica "nunha quimera".