Usuarios do tren entre Vigo e A Coruña estiveron preto de dúas horas parados en Rois por unha avaría
Usuarios do tren entre Vigo e A Coruña estiveron preto de dúas horas parados en Rois por unha avaría
Segundo informou Renfe, isto foi debido a unha incidencia técnica por algún fallo de equipos a bordo
Un tren de media distancia, entre Vigo e A Coruña estivo preto de dúas horas parado preto de Rois.
O tren parou e apagou as luces. O convoi, o 9072, saíu da estación de Vigo Urzáiz ás 06:40 horas e ata as 09:20 horas non chegou a Santiago de Compostela. Segundo informou Renfe, isto foi debido a unha incidencia técnica por algún fallo de equipos a bordo.
Transcorrida máis de hora e media, o tren puido retomar a marcha e circulou cun atraso acumulado de 110 minutos.
"Parouse o tren, baixou a luz, e dixéronnos que quedara sen tensión", explica unha pasaxeira, que desembarcou en Santiago con case dúas horas de atraso.
Viñan dous coches acoplados, e avariouse o primeiro. Houbo que xuntar as pasaxes no tren que funcionaba, pero entre unha cousa e outra pasaron 95 minutos retidos na vía.
A avaría foi a incidencia do día, cando se vai recuperando a normalidade no servizo tras os cortes polo temporal.