A plataforma Redsys volve fallar e causa incidencias en TPV, transferencias ou Bizum

Milleiros de persoas en todo o país se viron afectadas pola nova caída da plataforma Redsys, coa que operan a maioría dos bancos en España. Sucedeu o sábado e tamén onte pola tarde, xusto ás portas do Black Friday.

Moitos usuarios pensaron nun ciberataque ou que era un problema de sobrecarga do sistema.

Segundo informaron fontes financeiras, a nova caída de Redsys debeuse a un problema técnico interno e afectou os pagos con tarxeta, transferencias bancarias e tamén Bizum.

Os fallos do sistema provocaron desconcerto, do que se fixeron eco as redes sociais.