A Foliada da Fonsagrada consolídase como encontro 'tradi'
A Foliada da Fonsagrada consolídase como encontro 'tradi'
É a sétima edición deste encontro dedicado ao baile e á música tradicional
Actuarán De Ninghures, Comando Curuxás ou PanSenFron
Haberá obradoiros de baile, butelada popular e rutas pola montaña
A Fonsagrada acolle os días 8, 9 e 10 de decembro a sétima edición da Foliada da Fonsagrada, un encontro anual dedicado á música e ao baile tradicional. Un evento creado en 2015 pola Asociación Cultural Petapouco e a Destempo no que haberá concertos dos grupos De Ninghures, Comando Curuxás, a Banda das Crechas, Ailá, Algaire e Clo Plas. Tamén se impartirán obradoiros de baile a cargo de Artur Puga, Martín Mondragón ou Miguel Pardo.
O 'Diario cultural' da Radio Galega conversou con Jorge López, un dos organizadores da festa, e con varios dos compoñentes do grupo De Ninghures, que naceu precisamente nunha das primeiras edicións da Foliada.
