Unha xenebra artesanal de Cambre logra a máxima distinción nun certame mundial
Unha xenebra artesanal de Cambre logra a máxima distinción nun certame mundial
Tras a súa coronación como a mellor xenebra do mundo, a galega Vánagandr dispara as vendas
Unha semana despois de recoller o trofeo en Londres, o produtor da bebida espirituosa avalía a repercusión do premio para a súa destileria artesanal, situada en Cambre
A nivel de vendas moi ben, todo o mundo nos chamou e díxonos : "Con este premio imos vender máis, mándame mercancía. Todos os distribuidores nos chamaron, a páxina web non para. Tivemos un grande aumento das vendas e esperamos que se manteña no tempo", di Enrique Pena, produtor de Vánagandr.
Con menos de dez anos no mercado, a xenebra galega Vánagandr acumula premios. Ao recoñecemento como a mellor xenebra de España no 2022, engade agora a máxima distinción a nivel mundial.
"Teño un Oscar na man das bebidas, exactamente. Creo que somos a primeira xenebra fabricada en España que obtén este recoñecemento. O premio que recibimos é a mellor London Dry do ano no International Spirits Challange, o concurso con máis prestixio de destilados porque ten tamén a cata ás cegas máis prestixiosa, afirma Enrique Pena.
Producida en Cambre de xeito artesanal neste alambique de cobre, ten os principais clientes nos Estados Unidos e no Xapón, aínda que tamén se vende en Galicia.
"Somos unha microempresa pelexando nun mundo de grandes empresas. A nosa única aposta, onde nos podemos defender é no mundo da alta calidade. No futuro, para poder crecer necesitaremos de investidores, necesitaremos unirnos a algún grupo grande para dar o salto", apunta Pena.
E é que competir coas 300 mellores xenebras do mundo e vencer supón un novo reto.
