'Cans e letras', un proxecto para impulsar a lectura entre os máis pequenos

Chega aos colexios galegos un método de aprendizaxe diferente que pretende mellorar a autoestima e a motivación dos máis pequenos á hora de ler cos cans como aliados.

A Dana tócalle escoitar hoxe historias dos nenos que estudan no CEIP Tarrío de Culleredo.

Dez anos se leva desenvolvendo este programa 'Cans e letras' por coles de toda España, nos EUA leva máis de 20 realizándose.

Non só Dana, hai preto dunha trintena de cans adestrados para realizar este tipo de terapia.

E non só aos nenos, tamén traballan con maiores que precisan da súa axuda. Un xeito de aprender cun profesor especial e o máis querido polos alumnos.