'Casa do terror' nun piso de estudantes en Santiago de Compostela
'Casa do terror' nun piso de estudantes en Santiago de Compostela
Paredes cheas de humidade, gretas e mesmo pragas de térmites e ratos
Así viven tres estudantes universitarios que alugaron a vivenda este curso
Podería definirse como a casa do terror, pero é un piso alugado a estudantes en Santiago. E o terror e horror están no mal estado da vivenda con humidades, fendas e onde tamén tiveron que batallar con roedores.
Unha vivenda que de habitable ten ben pouco. Denuncian a falta de mantemento da vivenda por parte do caseiro, xa que tampouco contan co calefacción. Piden unha solución para poder vivir en condicións dignas.
As deficiencias do piso xa se deixan evidenciar no exterior. E a humidade invade co seu cheiro nada máis entrar no portal. Así viven tres estudantes universitarios que alugaron a vivenda este curso e que o seu caso se deu a coñecer na rede social Salseo USC.
Despois de pelexar ao instalarse con roedores e térmites, nada máis comezar o curso, literalmente, chegoulles a chover dentro, e os sinais desa humidade son patentes tanto na sala como na galería.
Na inmobiliaria, coa que manteñen contacto case diario, din saber dos problemas, pero polo de agora non poderían solucionalo debido á envergadura dos traballos. A avogada e vicerreitora do Colexio de Avogados, María del Carmen González Ferro, indicou que o piso "non é habitable" tras ver estas mesmas imaxes.
"Poden eles como medida de presión paralizar de momento pagarlle ao propietario mentres non teñan solución e poñer en coñecemento do Concello estas condicións", sinalou a avogada.