"Vai morrer moita xente", a chamada desesperada da alcaldesa de Paiporta á Delegada do Goberno
"Vai morrer moita xente", a chamada desesperada da alcaldesa de Paiporta á Delegada do Goberno
Despois da chamada da alcaldesa é cando a Generalitat envía as mensaxes de alerta aos móbiles, pero "xa estabamos coa auga ao pescozo"
A Conselleira responsable das emerxencias ignorou tres chamadas da Delegada do Goberno, entre as 12:00 h e as 14:00 h, ofrecéndolle medios
Evacúan vinte persoas de seis casas de Paiporta por risco de derruba
O martes, 29 de outubro, as alarmas saltan a primeira hora. A delegada do Goberno en Valencia, Pilar Bernabet, recibe a alerta vermella da Aemet ás sete e media da mañá. E ás 12, o aviso da Confederación Hidrográfica do Xúcar.
A partir de aí, chama tres veces a conselleira valenciana responsable a área de emerxencias, Salomé Pradas, para ofrecerlle medios. Non obtén resposta. Pasadas as dúas da tarde, volve chamala para insistirlle na gravidade da situación. E aí, é cando a Generalitat pide activar a UME pero só para o municipio de Utiel.
As cinco reúne ao Comité de Coordinación de Emerxencias. E no medio desa reunión, as sete, soa o teléfono da delegada do Goberno. Ao outro lado da liña, a alcaldesa de Paiporta, Isabel Albalat.
É unha chamada desesperada na que lle di que a súa vila "se está inundando, que non esta preparada para iso e que ía morrer moita xente..., que xa estaba morrendo". Despois de escoitala é os responsables de emerxencias deciden enviar as alertas aos móbiles. Eran as oito da tarde, pero a riada mortal xa era imparable. "Xa tiñamos a auga ao pescozo", lembra a rexedora de Paiporta.
O conselleiro de Agricultura de Valencia responsabiliza da reacción tardía a Confederación Hidrográfica do Xúcar. Miguel Barrachina sostén que "que multiplicar por catro o leito do Ebro nunha rambla, é para, polo menos, chamar por telefono. Non poden conformarse con enviar un correo electrónico ás 18:45, cando xa se estaba producindo a grande hecatombe".
A vicepresidenta Yolanda Díaz defende que o executivo non tomara o control da situación desde o primeiro momento. O Goberno insiste en que declarar o estado de emerxencia restaríalle eficacia ao operativo.
