Unhas 2.300 persoas manifestáronse en Barcelona para pedir a fin dos bombardeos en Gaza

Unhas 2.300 persoas manifestáronse esta tarde de sábado no centro da cidade, segundo o Concello de Barcelona, convocadas por diferentes entidades a favor de Palestina, para pedir a fin dos bombardeos en Gaza, nunha guerra que dura xa dous meses.

A manifestación, na que abundaron bandeiras e panos palestinos, comezou ás 17:00 horas na praza Universitat e pouco despois, os manifestantes protagonizaron unha sentada na praza de Cataluña, antes de continuar o percorrido pola vía Laietana ata a praza de Sant Jaume.