40 anos da Mostra Internacional de Teatro Cómico e Festivo de Cangas
40 anos da Mostra Internacional de Teatro Cómico e Festivo de Cangas
A Mostra celebra o seu 40 aniversario con case 50 eventos durante 14 días.
Cangas acollerá teatro, danza, coloquios, presentacións e exposicións, todo arredor das artes escénicas e o humor.
Unha exposición na entrada do Auditorio Municipal percorre de maneira gráfica os carteis que deron vida a esta Mostra que celebra os seus 40 anos.
A súa inauguración é este domingo á noite e o seu pregoeiro será o actor, Lois Soaxe.
Unha exposición situada na entrada do Auditorio Municipal de Cangas recolle a historia gráfica desta Mostra ao longo dos seus 40 anos. Dende o primeiro cartel alá polo ano 1984 ata o actual.
Serán catorce días e preto de 50 eventos os que amenizarán durante quince días os diferentes lugares polos que se espallarán as obras. Teatro en sala pero tamén actuacións de danza e música nas rúas e prazas desta localidade.
A mostra arranca este domingo cunha estrea absoluta dirixida polo actor galego, Cándido Pazó, unha comedia como eles chaman "denegrida" do director de cine e dramaturgo inglés Martin McDonagh en clave de humor sobre o racismo e a xenofobia.
