A actriz Ana Belén recibe en Santiago o Premio Cineuropa

A actriz, cantante e directora Ana Belén recibiu este sábado un dos premios do Festival Cineuropa, que se celebra en Santiago cada novembro desde hai 36 anos. O festival recoñece con este galardón a súa longa e destacada traxectoria, que comezou aos trece anos coa súa participación no filme "Zampo y yo".

A súa carreira, con ducias de discos, películas e obras teatrais, convertérona, segundo destaca o festival, "nun referente para varias xeracións". Cineuropa entregará na edición deste ano outros tres galardóns; á actriz Charo López e aos cineastas Lois Patiño e João Pedro Rodrigues.