O festival Cineuropa regresa sen restricións de ocupación e con máis de 160 películas

Comezou Cineuropa 2021. O festival de cine internacional é un dos clásicos do outono compostelán e nesta edición número 35 regresa como festival competitivo, a través da sección Novas/os creadores.

Desde hoxe e ata o 24 de novembro máis de 160 películas de todo o mundo ofreceranse para deleite do público compostelán. Nesta primeira xornada, xa sen restricións de ocupación, o festival volve con forza e o público con moitas ganas.