A auga de Foz é de novo apta para beber e cociñar tras oito días con problemas
A auga de Foz é de novo apta para beber e cociñar tras oito días con problemas
As analíticas confirman que xa non hai ningún problema para o consumo
O Concello destaca a eficiencia das medidas adoptadas e tranquiliza se a cor é estraña unhas xornadas máis
Zona do río Masma onde Foz capta a auga para o consumo
Foz recupera a normalidade na subministración de auga da traída, que é de novo apta para o consumo humano, tanto para beber como para cociñar.
Os resultados das mostraxes tomadas entre o luns e mércores desta semana eliminan as recomendacións de evitar o seu uso para estas fins.
O alcalde, Fran Cajoto, destacou que as medidas de corrección funcionaron, por exemplo, a substitución do cloro no pretratamento por peróxido de hidróxeno.
O Concello pediu desculpas polas molestias causadas e, agora, solucionado o problema, cre que é tempo de analizar que medidas adicionais poden tomar na potabilización para que non volva ocorrer.
Ademais, quixo lanzar unha mensaxe de tranquilidade sobre a cor da auga, en que, segundo apuntou, tamén ten incidencia a utilización do peróxido de hidróxeno como reactivo en lugar do hipoclorito.
En todo caso, confirmou que seguirán realizando unha toma de mostras continua, para garantir "auga de calidade" porque, engadiu, a prioridade é conseguir dar o mellor dos servizos posible.
.png)
