Entre a dor e a esperanza, a busca dos desaparecidos pola DINA non cesa
Entre a dor e a esperanza, a busca dos desaparecidos pola DINA non cesa
A familia dos dous menores desaparecidos en Torrent pide máis axuda para localizalos
Entre o lodo e os cascallos, a busca dos desaparecidos non cesa. Algúns son maiores e outros moi novos, como Rubén e Izán, os dous meniños de tres e cinco anos que desapareceron en Torrent. A forza da auga arrancounos das mans do seu pai segundos despois de que un camión batera contra a súa vivenda.
A familia pide máis axuda para inspeccionar cada recuncho das zonas devastadas pola DINA. A mesma que tamén reclaman aqueles que din que o perderon todo.
Outras familias, atrapadas entre a dor e a esperanza, seguen agardando novas, e estas ás veces, si chegan. Como foi o rescate dun home parapléxico que, despois de varios días aboiando na súa casa, xa se recupera no hospital. Hoxe a súa familia só pode dar as grazas.
