A calidade do aire segue sendo mala ou moi mala en moitos lugares de Galicia
A calidade do aire segue sendo mala ou moi mala en moitos lugares de Galicia
En xeral mellorou no litoral atlántico e empeorou en cidades do interior e zonas industrias
Sarria é o único lugar onde a calidade do aire é pésima
Sarria amenceu cuberta dunha especie de bruma. Foi o único lugar de Galicia onde o nivel de partículas de póo rexistradas obrigou a cualificar de pésima a calidade do aire este venres.
"Creo que as condicións son peores do que é habitual", di unha veciña.
A situación mellorou en xeral na costa atlántica, pero empeorou no interior, con nivel vermello por exemplo en Lugo ou Ourense. E como en Sarria, os incendios de Portugal tamén elevaron a mala ou moi mala a calidade do aire en zonas industrias como na área da Coruña , Arteixo, Cerceda ou Narón.
"Chegou o fume dos incendios en Canadá, como non vai chegar o de Portugal", apunta unha muller en Lugo.
En todos eses lugares mantense a recomendación de non facer actividades intensas ao aire libre, pechar as fiestras e vixiar a saúde de anciáns, nenos, embarazadas e persoas con enfermidades respiratorias ou cardíacas.
"Eu normalmente ventilo pero hoxe non o fixe", di unha muller. "Aquí os vellos só saen para mercar o pan", explica outra.
Onde xa respiran con alivio é na Mezquita despois duns días complicados.
"Tivemos incendios na Gudiña, en Castromil e en Chaguazoso e non se podía respirar. Por sorte chegou a chuvia e foi un alivio para todo o mundo", conta un comerciante da Mezquita.
Unha chuvia que os expertos contan con que permita mellorar a calidade do aire que respiramos na maior parte de Galicia.
