A CEOE rompe o diálogo co Ministerio de Traballo
A CEOE rompe o diálogo co Ministerio de Traballo
Din que os enganaron ao pactar con Bildu unha emenda que afecta aos ERE
Yolanda Díaz nega os argumentos e di que a medida era un acordo de goberno
A Confederación de Empresarios rompe o diálogo co Ministerio de Traballo. Di que o fai pola "traizón" do departamento de Yolanda Díaz ao pactar con Bildu que a Inspección de Traballo controle os ERE. Terán que comprobar as causas que esgrimen as empresas para facer despedimentos colectivos. A medida incluíuse nunha emenda á lei de emprego.
Na CEOE afirman que os enganaron porque este asunto quedou apartado da reforma laboral e agora, din, volve pola porta de atrás.
A ministra de Traballo nega esa versión. E cre que hai outros motivos detrás da ruptura do diálogo. Tampouco entende por que os empresarios son remisos a que a Inspección de Traballo faga o seu papel e vele polo cumprimento da legalidade.
